Kacrita wénten prabu, maparab Sang Mayadanawa, madeg nata ring Bedahulu. Ida kaputra olih prabu Balingkang. Ida Kalintang sakti. Wewengkon jagat idané jimbar pisan. Panjak idané akéh, sami nungkul tan purun tempal ring linggih Ida Sang Prabu.
Marasa ring raga sakti, mawastu metu kayuné momo angkara. Banget nyumbungang raga mitaen tekén tanwénten sané prasida pacang ngasorang. Laksanan idané nenten manut malih ring sesanan prabu. Ida purun mamada-mada dewa. Panjak idané tangra kaluarga mayadnya utawi ngaturang bakti majeng ring Ida Sang Hyang Widhi, miwah ring para dewatané sami. Kabaos dewane' sampun sami kasor antuk kesaktian idane. lndik punika ngawinangjagate biota, panjaké takut mayadnya.
Punggeling crita, wénten mangku mapesengan Kulputih sareng mangku ring desa-desa, ngawéntenang yadnya ring pura Besakih. Nunas pauwus mangdené prasida ngasorang prabu mayadanawa. Pinunasé kadagingin raris medal Ida Betara Indra kasarengin olih Ida Batara Mahadewa, nginkinang naya pacang nyiatin Prabu Mayadanawa.
Pakinkiné punika sampun kapirengan olih Prabu Mayadanawa. Ida nauhin wadwané kapucukin olih Patih Kalawong, digelis ngwangun gelar ring Tegal Wera. Gelaré punika kawastanin Ukir Segara. lrika yudané macepuk. Wirayodan Batara Indra nganepin wirayudan Sang Mayadanawa. Prabu Mayadanawa sareng Patih
Kalawong raris nyuti rupa dados widyadara. Widyadara punika katangehang malih nyuti dados busung. Wawu pacang kasempal raris melesat dados paksi ageng, taler katanggehang.
Rikala wengi Pati Kalawong Ianga ka alas Pagulingan, ngredana klebutan toya sané madaging cetik. Akeh reke wirayodan Betara Indrané lampus usan nginum toyane punika. Nyingak kawéntenan punika BataraIndrararisnancebangsanjatanidanésanéngewetuang toya ening. KawastaninTirta Empul Tirtané punika kaanggen nyiratin wirayodané sané lampus makawinan sami malih maurip.
Sang Prabu Mayadanawa merasa kuciwa ngarepin raris malih malayu Rauh ring Tampak Siring, Ida nyuti rupa dados padi. Wau padiné pacing kaabas malih ida dados Mayadanawa tur malayu nyikiang raga nyutirupa dados batu ageng. Batuné punika kapanah olih Sang Sanaraja Brahma sareng mantri Sutabayu punika manggalan wirayodan Batara Indrané Panahé ngeninin dadan Prabu Mayadanawa.
Rahidané muncrat, ngebekin toya tukad Petanune Toya tukadé kapastu olih Batara Indra miwah Batara Mahadewa, tan dados anggén ngecokin carik, wewangunan, miwah saha naring yadnya. Toyané punika kabaos mala.
Asapunika panados anake nyumbungang raga, nvapa kadi aku, pamuput janten kaon.