SATUA I LUTUNG TEKEN KAKUA ( TULIS BALI )

Untuk file PDF bisa di unduh  di 

https://drive.google.com/file/d/1Y3nzOYsqKbaK3jsBDhhzkg68OcYn00Bs/view?usp=sharing 

 

SATUA BERAS KUNING

Kacrita Maharajan Pretu dadi ratu luih dijagaté. da meraga darma tutur dana teken panjak. Asing-asing ané katunas olih panjaké kapica olih Ida Sang Prabu. Ida setata malaksana madasar yasa kerti.
Ento mawinan panjake makejang marasa bagia tur subakti tekén Ida Sang prabu.
Jani Maharaja Pretu nitahang panjaké ngabas alas. Ida mapikayun bakal ngerayanang tegal carik Mawinan ada tegal carik. Mawinan panjaké sumuyug ngaturang ayah. Makejang pada sregep ngaba prabot, makadi piranti anake magae di carik. Ada ane ngaba mandik, panampad, muah pacul.
Panjaké pada gupuh magarapan. Tusing ngitung tuyuh mesuang peluh. Kayuné ané kototor. Ebeté ane nglikadin kaabas. Kétkét muah dui-dui kagediang Luuné kapunduhang laut katunjel. Ento mawinan dadi galang prejani.
Sasubané linggah maan ngabas alas, tanahé lantas karatayang. .Ané Iebah kaurugin, ané tegeh kasapin, mawinan dadi dangsah. Pradé ada batu gedé, lantas laut katuludang sibarengan. Jani batuné dadi dasar temuku.
Yéhné ane suluk ditukadé kaempelin, mawanan dadi maembah ka tanahé ané Iinggah. Ditu panjaké ngaeé jelinjangan muah kakalén. Man tetakehan sepat banyu muah sepat gantung tanahé rata maan embahan yéh. Tanahé ané suba tiyeb lantas gaenanga pandudukan,mawanan dadi carik. Tanahé ané tusing kena embahan yéh laut dadi tegalan.
Maharaja Pretu ngepah carik muah tegalan ané suba pragat. Makejang panjaké kaicén duman. Tur ngadikayang panjaké apang ngaé pakubon. Tongos masayuban dinujuné panes banteng muah madayuh di unjuné ujan angina. Dum-duman tegal muah cariké madasar sagilik saguluk, paras-paras sarpanaya, saulung sabayantaka. Mawanan panjaké makejang pada lega tur jemet magarapan. Ditu ia mamula woh-wohan muah umbi-umbian.
Jani Maharaja Pretu nunas ica ring Ida Batari Sri mangda kapicayang bibit padi catur warna. Apang prasida jangkep isin guminé. Ditu panjaké ngiring sang prabu nunas ica di pura Panungun Carik. Upakarané suba pada cumawis manut Darma Pamaculan. Sasubané ngaturang ayah ada suara ngawang-ngawang kapireng uli langit.
“Uduh, Cening Maharaja Pretu! Luih pesan parilaksanan ceninge nitahang panjak. Tur cening tusing engsap ngaturang sembah tekén mémé. Apang cening nawang, mémé bakal mapaica bibit padi caturwarna tekén cening. Sakéwala antosang buin abulan pitung dina, ditu mémé bakal mapétin bibité tekén cening".

Mara kéto sabdané uli langite dadi ledang pikayunan ida sang prabu. Sawireh maciri panjaki dané bakal lanuh tusing kuangan pangan kinum. Panjaké sayan-sayan jemet magarapan, tur tusing ngengsapang pangaciné di pura Pangulun Carik.
Nemonin dina Saniscara Kliwon wuku Wariga, ditu Ida Batari Sri nguduhin kedisé petang ukud apang tuun ke marcapada. Makejang kandikayang ngaturang bibit padiné cartur warna ring ida sang prabu. Sawireh Maharaja teleb pangastiti Ida Batari Sri.
Cicit padiné ané mawarna putih madan ketan. Kekeberang olih I kedis kuteh. Kelap-kelap kecerané di Iangite .. Ngungkulin gunung ané tegeh ngalik. Ngliwatin pasih ané Iinggah tur dalem.
Bibit padiné ané mawarna madan gaga. Kkeberang olih I kedis sugem. Ngabar-abar keberané duur bukité. Kabatek baan joh tur panes langité. Mawarna ia marasa kenyel muah bedak layah.
Bibit padiné wawarna selem madan injin. Kakeberang olih | kedis dara. Nyamut-nyamut pakeberané duur ambuné. Panes bara karandangin. Bedak layah karanggehin masan ujan. Makejang entikané malejit. Bunga-bungané nedeng kembang. Woh-wohané nedeng nged pesan mabuah. Kala ditu kedisé pada teked di ajeng ida sang prabu. Laut ngaturang bibit padi paican Ida Betari Sri.
Kedis kuteh matur dabdab pesan. ”Ratu sang prabu! Punika padi mawarna putih mawasta ketan. Dados anggen sanganan pacang aturang ring ida batara. Makadi sanganan begina, muah sangganan abug”.
Kedis Sugem matu alon pesan. ”Ratu sang prabu! Punika mawasta gaga. Dados pula ring tegalé. Tur dados anggén caru ring upakara. Sané pacang katutur ring Ida Batara.
Kedis dara matur aris pesan!. ”Ratu sang prabu! Puniki mawasta injin. Dados anggén tapé. Sané dados anggén manisan ri kala nanding pajengan. Baremnyané dados anggen katon ri kala makarya dodol maduparka.
Katung raras matur karungah-rungah. ”Ratu Sang Prabu titiang nunas ampura. Titiang néntén ngaturang pré. Sawireh paréréné bakat eled titiang tur sampun penunang titiang. Mangkin tampuh mentik dados kunyit.
Keto katutunan ané malu, awanan kayang jani tusing ada baas mawarna kuning sawireh suba dadi kunyit. Sangkala yéning ngae nasi kuning patut kunyité ané anggen warna.

SATUA I SANGGING LOBANG KARA

I SANGGING LOBANGKARA

Ada Tuturan Satua I Sangging Lobangkara, geginané ”gambar dogén, tur dueg pesan magegambaran, sai-sai koné keto dogén gegaené.

Kacarita I Sangging Lobangkara dauhina koné tekén Bhatara klungkung, tangkil lantas ia, disubané
I Sangging Lobangkara tangkil, matur lantas ia nunasang awanan déwékné kasengan. Ngandikan Ida Bhatara, “O, krana gelah nundén cai tangkil, gelah nunden cai, gaénang gelah puri apalebah tur apang misi togog” ISangging Lobangkara sariring.

Suba kéto, gaé Iantas ia puri muah togog. Sawatara ada abulan garapa, pragat lantas puri ida Bhatara Klungkung. Beh, angob pesan Ida Bhatara tekén kakawihan puriné.

Buin ngandikan Ida Bhatara, ”Béh yén saja cai ririh ngambar indayang jani kurenan gelahé gambar! Yén patuh ja Ratu Bhatara, yén icen ja titiang ngeton warnan rabin Ratu Bhatara, titiang ngiring pakayunan.

"Nah".

Jani telektekanga lantas warnan rabinané, suba kéto lantas gambara. Tusing mekelo I Sangging Lobangkara ngambar, lantas pragat. Sasubané pragat lantas aturanga tekén Ida Bhatara. Béh, buin angob pesan kayun Ida Bhatara, déning nyidayang patuh buka warnan rabiné.

Buin lantas kandikayang ngambar sakancan buroné di alasé, kidang, menjangan, macan muah ane Ién-Iénan. Déning keto luas lantas ! Sangging Lobangkara ngalas.

Sasubané neked di alasé, tepukiné sang macan, nget tuara galak, lantas ngambar. Suba pragat bana ngambar, lantas buin majalan ngalih buronan ané lénan. Kéto dogén undukné I Sangging Lobangkara, kanti telah bana ngambar sakancan buronan. Suba telah bana ngambar, lantas I Sangging Lobangkara mulih.

Sasubane neked di puri, lantas aturanga gambarné teken Ida Bhatara. Mara kacingak gambarné ban Ida Bhatara, angob pisan kayun idané, bana nyidayang ngambar buron alasé makejang. Ngandika Ida Batara ”Ih cai Sangging Lobangkara, nah jani gelah nundén buin ngambar be isin pasihé makejang! “lnggih Ratu Bhatara titiang nawegang pisan, tan purun titiang nyilem ring pasihé, yén tan padem bekbekan, " Ida Bhatara lantas kapasisi ngaba bedah. Sasubané neked di pesisi, lantas ia macecep di gadahé ento tur lantas ia nyilem di pasihé.

Kacarita suba jani ditengah pasihé, lantas nepukin bé liu pesan tur magenepan gobané, ento lantas gambara.
Gelisang satua, telah lantas bana ngambar bé pasihé lantas ia kasisi tur mamesu uli tengah gadahé.

Suba jani nganteg di puri, aturanga lantas gambare teken Ida Bhatara. Mawuwuh-wuwuh angob Ida tekén kaduegan I Sangging LObanSkara ngambar. Lantas ditu ia kadikayang ngambar isin langité makejang Matur I Sangging Lobangkara, Inggih Ratu Bhatara miang ten pisan uning makeber”. Ngandika Ida Bhatara ”Yen kéto ne anggon tegakin, nyidayang cai ka ambarané! ”ngiring lantas I Sangging Lobangkara, tur negakin goangané, keberange lantas I Sangging Lobangkara.

Kacarita tegeh pesan suba gagoangane, masih enu dogén ngamenékang, sayan makelo sayan saru, kanti tusing ngenah. Makelo-kelo pegat lantas tali gagoangané, tur gagoangané menekang dogén.

Kacarita jani Sangging Lobangkara kanti neked di suargan. Réh bengong pesan ia ditu sarwa ané melah-melah mawanan sing ja ia malipetan buin ka mracepada, nget ditu koné ia nongos.