KIDUNG WARGASARI

1.

Ida Ratu saking luhur,

 kawula nunas lugrane,

 mangda sampun titiangtandruh, 

mangayat Bhatara mangkin, 

titiang ngaturang pejati, 

canang suci landaksina,

 sarwa sampun puput, 

pratingkahing saji.

2.

Asep menyan majegau, 

cendana nuhur dewane,

 mangda Ide gelis rawuh, mijil

sakeng luring langit, 

sampun madabdaban sami, 

maring giri meru reko,

ancangan sadulur, 

sami pada ngiring / mengiring.

3.

Bhatara/bhatarane saking luhur,

 nggagana / ngagoda diambarane,

panganggene abra murub, 

parekan sami mangiring,

 widyadara-widyadari,

pade madudon-dudon/dodonan, 

prabhawa kumetug, 

angliwer ring langit.

4.

Di bale manike luwung,

 mapanyengker ring telagane, 

kadingin tunjung tutur,

tunjung abang tunjung putih,

 ring madyaning bale alit,

 Ida Bhatara mabawos,

nanggit sekar jepun,

 sekarang ke Bali.

5.

Ring bale emase paum, 

linggih Ida Bhatarane, 

bale mas ngranyab murub,

upacara sarwa luwih, 

luhure sutra putih,

 Ida Bhatara mabawos, 

bawose diluhur,

 pacang turun gelis.

6.

Asep-pejati wus katur, 

mendak Ida Bhatarane, 

peneteg lan canang arum,

canang gantal / gontal canang sari, 

parekan pada / sami menangkil, 

pedeksami nunas ica, 

nyadpada/ngadepade menyungsung, 

ngaturang palinggih.

7.

Tengeran Bhatara rawuh, 

ketug lindu manggalane / 

ambarane, kilat tatit

kuwung-kuwung / kawung-kawung,

 dumilah ngadeg ring langit,

 raris / riris maduluran angin, 

mangalinus maring jagat,

 rempak taru rubuh,

 katiban angin.

8.

Bhatara makire tedun / rawuh,

 anglayang diambarane, 

bhusanane sarwamurub, 

tur anunggang wyala pati, 

warnane angresing / angreseng hati,

risampun prapti/prapta ring pura,

 ancangan tumurun, 

natasang palinggih / pelinggih.

9.

Bhatarane sampun rawuh, 

malinggih di padapane,

 meteja kencana atut /anut,

 parekan sampun / sami manangkil,

 para mancapara kulit, 

pada walen /prewelak pemaksan permas / pramas,

 sami ngagem santun, 

pada / pacang

ngaturang / ngatur bhakti.

10.
Bhatara arsa anulu,

 kidul kulon lor wetane, 

wireh sami asri anut, 

laluhure sarwa putih, 

ulap-ulap sarwa kuning, 

lalang sene permas ijo, 

sami angulangun, 

sami pada becik.

11.
Unen-unene makuwug, mendag Ida Bhatarane, gong gambang gender lan
angklung, guntang kalawan seketi, tapel pajegan kapuji, saron semar
pagulingan, ramya pada nabuh, swaranganyih-anyih.
12.
Baris bedil mamucuk, mendak Ida Bhatarane, baris-tumbak baris tulup,
gambuh parwa bali, resijojor legong rangin, luwih sanghyang jaran reko, sami
sampun rawuh, Ida Hyang nyelehin.
13.
Malinggih ring gedong sampun, mungwing punika gedonge, gedong menyan
gedong madu, upacara sarwa ngrawit, dumilah ring pura suci, sinaiban pajeng
robrob, tuwek payung pagut, lalontek pangawin.
14.
Sasangga mwang umbul-umbul, akeh wong merca padane, padenye pada
sumuyung, wrdda anom agung alit, sami pada nyadya tangkil, sami pada
nunas sweca, sami pada nyungsung, sami pada bhakti.
15.
Ong / Oom awighna / awignam pakulun, mangarcana Bhatarane, mangayap /
mangayat ngaturang kukus, maduluran pangabhakti, miwah sahananing suci,
mangda Ida sweca nonton, turun saking luhur, kawula manangkil.
16.
Pangradanane kaluhur, maka pangundang dewane, asep menyan majegau,
ambunnyane mrik sumirit, candana pada masandi, mamendak Ida Bhatara,
Anggena di luhur, ngaran tiga Cakti.

17

Sada Ciwa majagau, Prama Ciwa candanane, menyane Bhatara Guru, kukuse
nepud ka langit, punika anggen pamargi / memargi, pacang turun ring
kahyangan, mangda / apang gelis rawuh, manusa manyiwi.
18.
Pengsatawane / pangaksame wus puput, turun Ida Bhatarane, saking purwa
Ida turun, skendran sami mengiring, Widyadara-Widyadari, sami pada
papatehan, panganggene murub, sarwa ratna ngendih.
19.
Sanjata bajrane dumun, babaktan/bebaktian Widyadarane, pajeng robrob
umbul-umbule, bhusanane sarwa putih raris tumurun ring bhumi,
mapangawin danda kawot, ring daksina tedun, bang bhusanane ngendih.
20.
Pangastune / pangastuti kaluhur, angregepang radanane, ne ring purwa puji
dumun, ring daksina ne kaasti, pascima sareng astuti, ring uthara karedana,
mantuk madyeng bhayu, mayoga nganjali.
21.
Maprebhawa ketug-lindu, sumyok ujan rajane, teja ngadeg lan kauwung,
sanjata pada rumihin, panganggene sarwangendih, sahanane permas rakta,
galang endih murub, Iwir mrtyu sumilir.
22.
Ring pascima Ida turun, ngapaca sanjatane, saupacarane dumun, bhusana
sarwa kuning, katon kadi gunung sari, payase ngrawit tinon, mapenekes
gelung, sarwa mas kinandi.
23.
Ring uthara Ida turun, sami krsna bhusanane, sanjata cakrane dumun,
maduluran hujan angin, kelepe pada maganti, tatit kilape macanda, anduse
mangelinus, Iwir mubu ring langit.
24.
Blengbong lan ucur-ucur, peteng dedet kang limute, maring tengah Ida turun,
malinggih ring candi manik, sanjata padma sinandi, bhusanane macan warna,
mapan sampun puput, pangideran gumi.
25.
Iringane sami kumpul, pada becik tatane, ane ring pasamuan agung, saidering
Padma-Sari, pinuji sanjata nyandi, danda cakra ngapaca, bajrane ring nyun,
mapan Pan-Dewi.

26.
Brahma Wisnu wus ngrangsuk / mengerangsuk, Icwara Mahadewane, irike
pada malungguh, Ciwa ring madya nyelehin, pada mangolingin linggih,
Brahma tengen Wisnu kiwa, Icwara ring ayun, Mahadewa nguri.
27.
Sampun Ida maraga putus, raris munggah kegedonge, gedong ratna saking
luhur, Hyang Wicwa-karma makardi, makori emas mangrawit, mangocara
Windu-sara, sasocane mancur, sarwa imirah manik.
28.
Telagane maisi tunjung, wetara suranadine, papetete saking luhur, punika
wantah pinuji, tunjunge masari kuning, mapalawa mas matatah, gandaya
mangalup, sekar solas warni.
29.
Manik mancur mirah dadu, ratna nilalan widura, mangelencok endih murub,
mangasorang tejaning rawi, pateh ring rahina wengi, ring natare makalangan,
mateja kaluhune, majelijih manik.
30.
Ingideran sarwa santun, mwang sahananing sekare, sami pada mawangum,
semar ganda mrik sumirit, para sutrine menangkil, menyaksinin patoyan,
sami ngawe kukus, maduluran bhakti.
31.
Pangaksamane kaluhur, manunas waranugrahane, manawi kirangne katur,
agung sinampura ugi, canange asebit sari, apang ica Ida nonton, nodya saking
luhur, mamuputang sami.
32.
Turun tirta saking luhur, Pamangkune manyiratang, mangelencok muncrat
mumbul, mapan tirta merta jati, paican Bhatara sami, panyupatan /
pangelukatan dasa mala, sami / apang pada lebur, malane ring bhumi / jagat.
33.
Munggah Ida Mangeluhur, masimpen kagedong emase, gedong emas ngendih
murub, mapapelok mirah adi, wenten ne nganggen pelipid, mirah ratna
mungwing pucak, katon ngendih murub, tan yogya nyuluhin.
34

Mantuk iratu mantuk, munggah maring ka gedonge, gedong maundag selikur, korinnyane mencak saji, titiang ngaturang sabit sari, asep menyan katur reko, mantuk iratu rahayu, dasarane tan mangiring.

35.

Purwakaning Angripta Rum, Ning wana ukir, kahadang labuh kartika,

panedenging sari, angayom tangguli ketur, angring-ring jangga mure.

36.

Sukania harja winangun, winarna sari rumruning puspa, prijaka ingoling

tangi, sampuning riris sumarwup, umungguing srengganing rejeng.

37.

Turun tirta saking luhur, tirta panca dewatene, Wisnu tirta kamandalu, hyang

iswara sanjiwani, mahadewa kundalini, hyang Brahma tirta pawitra, hyang

siwa pemuput, amerta kinardi.

38.

Seger-Oger kamendalu, sanjiwani pikukuhe, ngardi jagat pang rahayu, pawitra

kesucian hati, trepti sandi kundalini, sadia sekala lan niskala, amerta nama

rum, lana kong pinuji.

.

KIDUNG WARGA SARI

MENDAK BHATARA

(wargasari)

1.Asep pejati wus katur,

Mendak Ida Bhatarane,

Peneteg lan canang arum,

Canang gantal canang sari,

Parekan pada menangkil,

Pedek sami nunas ica,

Ngadpada manyungsung,

Mengaturang palinggih.

2.Tengeran Bhatara rawuh,

Ketug lindu manggalana,

Kilat tatit kuwug-kuwug,

Dumilah ngadeg ring langit,

Raris maduluran angin,

Mangalinus maring jagat

Rempak taru rubuh,

Katibanan angin.

3.Bhatara makire tedun,

Anglayang diambarane,

Busanane sarwa murub,

Tur anunggang wyalapati,

Warnane angresing hati,

Risampun prapti ring pura,

Ancangan tumurun,

Natasang pelinggih.

4.Dibale manike luhung,

Mapanyengker ring tlagane,

Kadagingin tunjung tutur,

Tunjung bang tunjung putih,

Ring madyaning bale alit,

Ida Bhatara mabawos,

Nganggit sekar jepun,

Sekarang memargi.

WARGA SARI

1.Purwakaning angripta rum,

Ning wana ukir,

Kahadang labuh kartika,

Panedenging sari,

Angayon tangguli ketur,

Angringring jangga mure.

2.Sukania harja winangun,

Winarna sari,

Rumrumning puspa priyaka,

Ingoling tangi,

Sampuning riris sumahur,

Munggwing Srengganing rejeng.

IDA RATU

1.Ida ratu saking luhur,

Kawula nunas lugrane,

Mangda sampun titiang tandruh,

Mengayat bhatara mangkin,

Titiang ngaturang pejati,

Canang suci mwang daksina,

Sarwa sampun puput,

Pretingkahing saji.

2.Asep menyan majagahu,

Cendana nuwur dewane,

Mangda ida gelis rawuh,

Mijil saking luring langit,

Sampun medabdaban sami,

Maring giri meru reko,

Ancangan sadulur,

Sami pada ngiring.

3.Bhatarane saking luhur,

Ngagegana diambarane,

Penganggene abra murub,

Parekan sami mangiring,

Widyadara – Widyadari,

Pada madudon dudonan,

Prebhawa kumetug,

Angliwer ring langit.

4.Dibale manike luwung,

Mapanyengker ring telagane,

Kadagingin tunjung tutur,

Tunjung abang tunjung putih,

Ring madyaning bale alit,

Ida Bhatara mabawos,

Nganggit sekar jepun, 

Sekarang ke Bali.

5.Ring bale emase parum,

Linggih Ida Bhatarane,

Bale mas ngranyab murub,

Upacara sarwa luwih,

Luhure sutra putih,

Ida Bhatara mabawos,

Bawose diluhur,

Pacang turun gelis.

BRAMARA NGISEP SARI

1.Om om sembah i katunan,

Dumadak juwa keaksi,

Munggwing pangubhaktin titiang,

Diastun langkung tuna sami,

Pakirang artha wibawa,

Nista solah lawan wuwus,

Miwah banget hina budhi.

2.Mogi tan kecakra bhawa,

Titiang i katunan sami,

Nista kaya wak lan manah,

Langgeng ngulami Hyang Widhi,

Sang suksma maha acinthya,

Nirbhana siwa kasengguh,

Singidang ring tampak aksi.

NING SUCI

Ning suci bhakti sumawur,

Canang tetep pingature,

Tetep labe putih kuning,

Pametik jepun sumadi,

Jambe anom ludra tiga,

Papijitan soroh lumlum,

Gande maosari.

NGASTAWA DEWA 

(adri)

1.Tembang adri pengastawa ayu,

Ngastawa Ida Bhatara,

Ngastiti Ida Hyang Widhi,

Dasa indria sami kumpul,

Panca wisayane kumpul,

Malih maring rasa sukla,

Ring putih hati manerus,

Bayu sabda idep sukla,

Anggragap pranawa sukla.

2.Egar manah ira ngesti hayu,

Ngesti Bhatarane,

Kalih Ida Sang Hyang Widhi,

Madak ica ida nerus,

Betel kangin betel kauh,

Ngulayang ka welas harsa,

Angestiang brata sadhu,

Ngesti Ida Hyang Bhatara,

Nunas sarining amerta.

TURUN TAUN

1.Turun taun sigedong sari,

Mumbul katon swarga mulya,

Langan de side nurunang sari,

Sarin mretha sarin sedana,

2.Kukus katon siputiq jati,

Margan de side siq micayang,

Muncrat mencur tirtan de kaji,

Sweca de kaji bepaica.

3.Kaji ngaturang pangubhakti,

Bhakti nunas panugrahan,

Muncar katon gedong de kaji,

Atep maniq kertha muliya.

4.Lawang emas winten sari,

Tēmbok emas becerancang,

Bepelinggihan kursi maniq,

Pengayah atep lēq natar.

MANDAMALON

OOO/O-O/-OO/O-O/O-O/OO

1.-.Stutinira tān tulūs Sinahurān paramārta Çiwa,

-.Anaku huwūs katōn Abimantānta temūnta kabeh,

-.Hana panganūgrahāngku Çadhu sākti winĩmba sara,

-.Pasupati sāstra kāstu Pangarānnya nihān wulati.

2.-.Wuwus sira Sānghyang Ĩçwara mijĩl tang apūy ritangan,

-.Wawang asarĩra katāra mangĩnditakēn warayang,

-.Tinarima Sāng Danān Jaya tikāng sara sūksma tika,

-.Nganala sarĩra sātmaka lawān warayāng wekasan. 

3.-.Kretawara Sāng Danān Jaya manembāh hatĩ pranata,

-.Pinisalinān larās makuta Tan hanā kalah hālah,

-.Winara warāh sirēng aji danūr dara sāstra kabeh,

-.Kreta semayāng prayōga dadi sūksme Bhatāra Çiwa.

4.-.Sahasura sĩddha çārana parēng kesana sūnia mwah,

-.Rasa tanirāt hidēp nrepati putrā katōnanira,

-.Kadi masalĩn sarirā suka tan pabalĩk prihati,

-.Satiru tirūn kretārta sira denĩ kadhira nira.

5.-.Hanamara jānma tān pamihutang brata yōga tapa,

-.Angentul amĩnta wĩrya sukanĩng Widhĩ saha sika,

-.Binalikakēn purĩh nika lwĩh tinemūnia lara,

-.Sinakitanĩng rajāh tamahinān dehāning prihati.

PUPUH JERUM

1.Kidung pangundang ring bhuta,

Basa lumbrah pupuh jerum,

Bhuta asih Widhi asung,

Caru pasajene reko,

Genep saha upacara,

Manut warna lawan ungguh,

Sekol iwak pada bina,

Olah-olahan sadulur.

2.Pangideran panguripan,

Kangin panca putih mulus,

Kelod siya barak mungguh,

Kawuh kuning pitu enggon,

Kaje selem urip patpat,

Manca warna tengah brumbun,

Akutus panguripannya,

Babhutane manut ungguh.

3.Kangin ring angin magenah,

Kelod ring api amungguh,

Ring tanahe sane kawuh,

Kaje ring toya manongos,

Ring embange bhuta tengah,

Malih sane bilang bucu,

Manut urip lawan warna,

Tengos babhutan karedung.

4.Kaje kangin urip nemnem,

Yen ring warna rupa klawu,

Kelod kangin hurip kutus,

Nasak gedang warna kawot,

Kelod kawuh warna kwanta,

Panguripannya tetelu,

Kaje kawuh warna gadang,

Jati tunggal hurip ipun.

5.Babhutania ne kinucap,

Prete pisaca aran ipun,

Bhuta kala dengen rusuh,

Ring durgama ne manongos,

Ring alas tukad segara,

Ring pangkung pangkung kredung

Genep sami siya warna

Kang inundang sida rawuh.

6.Yan sira sampun wus nadah.

Gati prasama mewantuk,

Ngungsi unggwane swang mantuk

Aja mami gena wong,

Miwah mami gena yadnya,

Asih kumasih satuwuk,

Ngawe degdeg jagad raya,

Jane pade manggih hayu.

NGIRING MANGKIN

Ngiring mangkin tampekang

Malinggih raris mebhakti,

Mengayat ngaturang canang,

Canang sari segewan daun,

Maduluran canang gantal,

Sajeng sari,

Kukuse mengasti dewa.

MERDUKOMALA

---/OO-/O-O/OO-/O-O/OO

1.-.Ong sembahning anata tinghalana detriloka sarana.

-.Wahyedyatmika sembahning hulun, ijengta tan hana waneh.

-.Sang lwir agni sakeng tahen kadi minyak sakeng dadi kita.

-.Sang saksat metu yan hana wang amuter tutur pinahayu.

2.-.Wyapi wyapaka sarining parama tatwa durlaba kita.

-.Icchantang hana tan hana ganal alit lawan hala hayu.

-.Utpatti sthitti linaning dadi kita ta karana nika.

-.Sang sangkan paraning sarat sakala niskalatmaka kita.

TOTAKA

1.Çaçiwimba haneng ghata mesi banyu

Ndanasing suci nirmala mesi wulan

Iwa mangkana rakwa kiteng kadadin

Ring angambeki yoga kiteng sakala

2.Katemunta mareka sitan katemu.

Kahidepta mareka sitan kahidep

Kawenangta mareka sitan kawenang

Paramarta siwatwa nirawarana

TIRTA UTAMA 

( adri )

1.Tirta utama lwir sandi nerus,

Icenin para damuhe,

Sane sandi mapasupati,

Penyapsap lara agung,

Salwire lara kesapuh,

Moksah hilang gelis punah,

Hala hilang leteh dudus,

Mundur kegumi kahyangan,

Tibenin tirtha utama.

2.Tirta utama sakti manerus

Paicain kaulane mangkin

Ne sandi mapasupati

Panyupatan lara agung,

Salwiring lara kasapuh

Hilang muksa maring sunya

Letuh hilang hala dudus

Katibening antuk tirta

Paican Ida Bhatara.

TURUN TIRTHA

(turun taun)

1. Nunas tirtha ring Hyang Widhi

Kalih Ida Hyang Bhatara

Tirtha suci maha sakti

Pangleburan dasa mala

2. Kawula nunas amertha suci

Ne nyiratang pinandita

Raga suci manah ening

Tetuladan para warga

NUNAS TIRTHA

(wargasari)

1.Turun tirtha saking luhur

Tirtha panca Dewatane

Brahma tirtha kamandalu

Hyang Iswara sanjiwani

Mahadewa kundalini

Hyang Wisnu tirtha pawitra

Hyang Siwa pamuput

Amertha kinardi. 

2.Turun tirtha saking luhur

Ne nyiratang pemangkune

Makalangan muncrat mumbul

Mapan tirtha amertha jati

Paican bhatara sami

Panglukatan dasa mala

Sami pada lebur

Malane ring gumi.

3.Nunas tirtha pangelebur

Wangsuh pada Dewa Dewi

Tirtha suci adi luhung

Tirtha amertha jati sidhi

Panugrahan dewa sami

Brahma Wisnu Maheswara

Laksmi Uma Sambu

Nglebur malan gumi.

M I J I L

Sampun puput nunas tirtaning suci,

Trepti jaba jero bayu landuh,

Sabda lan idepe,

Ngepah muput matur pangubhakti,

Om Shanti Shanti Shanti,

Mangguh hayu teduh landuh.

Puput

OM Santi Santi Santi OM